Kryeministri Edi Rama ka vijuar turin e dhënies së lejeve të legalizimeve në zonën e Kamzës, ku tha se duke filluar nga viti ardhshëm qytetarët nuk do të kenë nevojë më të shkojnë në hipotekë, pasi këtë detyrë do ta bëjë ALUIZNI. Rama theksoi se brenda vitit të ardhshëm qeveria parashikon të kryejë edhe 145 mijë legalizime të tjera.
“Kemi bërë një ndryshim të rëndësishëm dhe nga fillimi vitit që vjen ju nuk do të shkoni më në hipotekë, por do të japim drejtpërdrejt hipotekën sepse edhe të shkuarit në hipotekë do ta bëjë shteti, nuk do ta bëni më ju. Objektivi jonë është që vitin e ardhshëm të legalizojmë 145 mijë shtëpi të tjera.. le të qeshi Artan Lamja sepse më tha se do mundohemi të bëjmë deri në 145 mijë… unë dua që të bëjnë 145 mijë.” Tha Rama.
Kryeministri nuk mundi të mos “ngacmonte” demokratët e kamzës, duke u thënë atyre se poçat në shtëpitë e tyre dridhen siç ata dridhen kur shohin Sali Berishën.Kryeministri bëri shaka duke u bërë thirrje qytetarëve që të marrin njëherë lejen e legalizimit përpara se të shkojnë në protestën e PD ditën e nesërme.
“Në këtë zonë ka filluar një investim, 1.7 milionë dollarë për të përmirësuar rrjetin e shpërndarjes së energjisë elektrike, që tmos tju dridhet poçi siç dridheni ju kur shifni Saliun… por puna juaj është, nëse ju duket i bukur, lum si ju!
Hajde, kush do të shkojë në miting nesër, të vijë njëher të marri lejen e legalizimit, se nuk shkohet në miting pa shtëpi… ju lanë rrugve që tju mbajnë rrugve… ju lanë në rrugë që të vazhdoni të luftoni komunizmin”- tha Rama.
“Vesel Murat Mziu… nuk po tpyes se cfarë e ke mikun tim… por shoh që baba spaska ardhur e tka cuar ty të marrësh lejen… bëji të fala babës nga Ed Rama thuaj.” -tha kryeministri. (javanews.al)
