Kryeministri Edi Rama thotë se Durrësi do të përfshihet në Xhiron e Italisë të Garave me Vela.
Përmes një postimi në rrjetin e tij social Facebook, kryeministri bën me dije se qyteti i Durrësit është futur në listën e garave të këtij aktiviteti të madh të sporteve ujore italiane, i cili organizohet nga Marina Ushtarake e vendit fqinj.
“Mirëmëngjes dhe me Durrësin që këtë vit përfshihet në Xhiron e Italisë me vela, duke u bërë pjesë e një spektakli tradicional të Marinës Ushtarake Italiane”, shkruan Rama krahas videos që ka publikuar.
Gara e Italisë e Varkave me Vela është një nga sportet më popullore e tradicionale që jo vetëm tërheq të pasionuarit pas sporteve ekstreme ujore, por edhe promovon fuqishëm pikat e shumta turistike të bregdetit italian.
Aktiviteti do të zhvillohet nga data 16 qershor deri më 21 korrik 2024, njofton Marina Ushtarake Italiane.
/a.r
