Teksa opozita sot proteston para Kryeministrisë duke kërkuar dorëheqjen e Ministrit të Brendshëm Fatmir Xhafaj, shefi i qeverisë ndodhet në Berat ku merr pjesë në disa aktivitete.
Në një takim me qytetarët në kuadër të llogaridhënies, Rama u përqendrua te rezultatet që sipas tij ka dhënë platforma e bashkëqeverisjes.
Ai ftoi qytetarët që për çdo problem t’i drejtohen platformës shqipëriaqëduam.al, pasi përmes saj “keni ministrat në dorë”, deklaroi Rama.
“Nga Amerika, nga Australia, njerë që kanë marrë zgjidhje për 10 ditë. Kjo as që mendohej. Kemi marrë mesazhe nga shumë njerëz që thonë nuk e mendoja, nuk e besoja. Këto janë fakte. Është gjëja më e lehtë për ta vënë në provë”, tha Rama.
Ai tha më tej se platforma i barazon të gjithë njerëzit kur vjen puna te e drejta. Ai tha se nuk ka nevojë të jesh i pasur apo i varfër që zëri yt të shkojë deri lart.
“Njerëzit nuk mund të presin nesër për të marrë shërbimin që u takon sot. Ky instrument që është latforma shqiëpriaqëduam.al krijon mundësi husmë të mirë pavarësisht ku jetoni, jeni të pasur a të varfër, njihni njeri apo s’njihni njeri në administratë”, vijoi Rama nga Berati./a.m.
