Kryeministri, Edi Rama, ka replikuar sot mjaft ashpër në Kuvend ndaj ish deputetit të PS, Ben Blushi, sot kryetar i LIBRA. Sipas Ramës, i gjithë mllefi dhe marazi i Blushit ndaj PS ka të bëjë vetëm me faktin se ai nuk u bë dot ministër.
“Ke një parti që shkruhet mbi derë LIBRA, por je vetëm një shkrimtar i ri e politikan i vjetër. Ti flet si një nga planet tjetër për t’u dhënë dërrmën të vjetërve sapo të marrë pushtetin. Ka recituar hartime mbushur me mllefin e vet. Miku ynë i përbetuar tashmë s’meriton përgjigje. More mandatin e deputetit të PS në Elbasan dhe e përdore për t’ja bërë bërë ‘zi e më zi’ PS si Saliu. Ke akuzuar për hesapet e tua personale. Personazhi yt është një xhaketë e vjetër e kthyer mbrapsht për 20 vite me rradhë dhe flet si një KPD-ar gojështhurur”, deklaroi Rama.
Kryeministri Rama ka nënvizuar se Blushi vdes të bëhet pak ministër, ndaj tenton të shfaqet si politikan i ri, por me një lëkurë të vjetër.
“Ke indinjatë se të tjerë bëhen ministra ti jo. Si mund të ishe ti ministër që si përfaqësues i PS në Elbasan more rezultatin më të dobët në 12 qarqet e vendit. Beqaja të jep ‘ujë në bisht të lugës’ në rrugën e reformave. Si mund të ishe ti ministër që kur u bërë ministër nuk qullose asgjë. Tahirit i ngul thikën pas shpine më keq se Saliu, kur i ankoheshe po atij që su bëre ministër. PS ka shumë ministra shumë më të zot se ti. Qëllon me baltën e Saliut nga jashtë. Syzet nuk ta fshehin hipokrizinë”, nënvizoi Rama. /javanews.al
ma.me
