“Jemi partia që nuk ka shkruar asnjë gërmë të reformës në drejtësi”. Kështu deklaroi kryeminsitri Edi Rama në fjalimin e mbajtur në Asamblenë e Partisë Socialiste. Rama tha se kalimi i reformës para pushimeve të Parlamentit, ëhstë kusht i BE për hapjen e negociatave.
“Reforma në Drejtësi është kyçi i të gjitha dyerve të tjera, Sepse pa reformën përpjekja për të bërë shtet rrezikon të na lërë në vend-numëro. Jemi edhe këtu krenar që qysh ditën e parë kemi marrë zotim solemn që duam reformë rrënjësore. Ne nuk duam reformë të shkruar nga partitë,m për partitë por duam një reformë të shkruar së bashku nga ekspertë shqiptarë, ndëkrombëtare, organizata, shoqata, grupe interesi, misione ndërkombëtare dhë padyshim si një punë të përbashkët të Shqipërisë me partnerët. Kemi thënë që nuk do të kërkojmë asnjë deformim të reformës në funksion të interesave të partisë. Jemi partia më e amdhe e koalicionit por jemi partia që nuk ka shkruar asnjë gërmë për ta plotësuar Draftin e paraqitur nga ky numër i konsiderueshëm ekspertësh vendas e të huaj. Mund tu them vetëm kaq që në takimet me partnerët kam dëgjuar vlerësime për procesin, dhe po ashtu edhe më shumë se në një rast,partnerët kanë nënvizuar se ky është një proces që dëshirojnë ta implementojnë edhe në vende të tjera, kjo është një e vërtetë e madhe. Nuk ëhstë bërë në Shqipëri ndonjëherë një proces i tillë gjithëpërfshirës. Kalimi i reformës para pushimeve të Parlamentit, ëhstë kushti që BE të hapi derën e negociatave. Unë kam thënë se reforma mund të kalojë në mars, në Prill por po ju them se mund të kalojë dhe javën tjetër, sepse ne jemi gati. Për ne reforma kalon në pak ditë sepse ne jemi shumë tq qartë në pozicionin tonë, dhe mbi të gjitha jemi të vendosur t’i qëndorjmë besnik popullit tonë”, tha Rama
Kryeministri deklaroi mes të tjerash se në vendimmarrje do të përfshihen edhe emigrantët. Ai tha se kjo sot është e mundur falë teknologjisë.
“Do të përfshijmë në vendimmarrje edhe emigrantët. Jemi në një kohë që teknologjia na mundëson që ata të jenë prezent edhe pse jo fizikisht”, tha Rama
Më tej ai komentoi edhe refernedumin që e cilësoi proces demokratik që asnjë forcë tjetër nuk e ka ndërmarrë më parë në vend. Rama tha se PS do të vijojë edhe më tej procesin e anëtarësimeve të reja.
“Referendumi ishte një ushtrim demokratik që ndodhte për herë të parë në jetën politike. Procesi i anëtarësimeve të reja është një proces që jo vetëm nuk ka përfunduar, por do të intensifikohet në të gjithë territorin e vendit. Jeni të gjithë dëshmitarë të faktit se sa shumë njerëz duan të jenë pjesë e PS. Në qershor të këtij viti në kremtojmë përvjetorin e 25-të të PS dhe është një moment jashtëzakonishjt i favorshëm për të bërë edhe një reflektim retrospektivë mbi historinë 25-vjeçare të PS, mbi sfidat, sukseset, dështimet, arritjet, gabimet…Dhe njëkohësisht për të kremtuar bashkejetesën mes gjeneratave që e bën partinë tonë forcë të madhe të ekuilibruar që përfaqëson të gjitha moshat. Me këtë aspekt dua të nënvizoj faktin se edhe një nismë e re për ripërteritjen e forumit rinor përmes një formati inovativ, ka sjellë 4200 aplikime nga të rinjë dhe të reja në të gjithë Shqipërinë, për të hyrë në një garë që falë Pandeli Majkos dhe Elisa Spiropalit është realizuar në mënyrë mbresëlënsëse”, tha Rama.
