Kryeministri Edi Rama udhëtoi këtë të diel drejt skajit më verior të vendit, në Vermosh, ku u njoh me transformimin e kësaj zone, të kthyer në një qendër të re turistike.
Kryeministri vizitoi në mënyrë të veçantë disa bujtina alpine, investim i 4 djemve të zonës të kthyer nga emigracioni. “Bukur shumë, është bërë me një shije të jashtëzakonshme“.
Vizonin e djemve për ta kthyer Vermoshin në një destinacion të mirëfilltë të turizmit malor, Kryeministri Rama e vlerësoi me medaljen e meritave të veçanta.
“Është një medalje për merita të veçanta të cilën e kemi dhënë vetëm njëherë për forcat e kërkim-shpëtimit që erdhën në Shqipëri menjëherë pas tragjedisë të 26 Nëntorit të shkuar”.
Rama shtoi se Vermoshi ka potencial të kthehet në një burim të ardhurash dhe punësimi nga turizmi malor.
/a.r
