Nga Brukseli, Kryeministri Edi Rama doli në një konferencë për mediat me Presidentin e Këshillit Europian, Donald Tusk. Rama u shpreh se vendimi i Këshillit në qershor për Shqipërinë ishte pozitiv. Ai tha se tashmë Shqipëria ka një datë për të hapur negociatat formalisht.
Më tej, Rama u shpreh se Shqipëria është e angazhuar të zgjidhë sa më parë problemet e vjetra me fqinjët.
“Gjatë kësaj kohe duhet të punojmë fortë, që me qëllim që kur të futemi formalisht në negociata të kemi fituar kohë. Jemi përsëri shumë të angazhuar ndaj rrugës europiane, shumë të angazhuar ndaj zgjidhjes së problem të vjetra me fqinjët e jugut, me të cilët kemi bërë progres dhe shpresoj se do ta mbyllim me sukses”, tha Rama.
ma.me
