Kryeministri Edi Rama, ishte në Jalë aty ku prej ditësh po mbahet festivali veror nga të rinjtë e Internacionales Socialiste.
Gjatë fjalës së tij, Rama është ndalur në këndvështrimin e tij rreth situatës politike në botë, ku tha se së bashku të gjithë mund të ndryshojnë çdo gjë për ta përmirësuar atë në shërbim të qytetarëve.
“Më vjen mirë që në këtë zonë të Shqipërisë janë mbledhur kaq shumë të rinj. Dua të përgëzoj organizatorët për krijimin e kësaj mundësie. Ky është një moment ku ia vlen të flitet për politikës jo si gjëja që shikohet rëndomtë nga jashtë, nga larg e nga shumëkush si diçka e keqe, por si forcë, e cila ka lindur pikërisht për të bashkuar njerëzit dhe që së bashku për të bëra gjëra që veç e veç nuk i bëjnë dot. Është shumë e artë që politika si forcë, si instrument në dispozicion të shoqërive për të shkuar përpara ka marrë një tjetër kuptim. Besoj se kjo është një goditje globale e politikës. Kudo politika është vendosur në shënjestër si burim shqetësimesh dhe forcë për keq. Se i shikojnë politikanët si prurësit e të gjitha halleve që ndeshin gjatë ditës dhe për të cilat nuk gjëjnë zgjidhje”, tha Rama.
Ai ndër të tjera e konsideroi politikën si një forcë që mund të sjellë shpresë në shoqëri.
“BE, është projekti më madhështor që mendja e njeriut ka konceptuar në vështrimin e të ardhmen, një hapësirë për të krijuar kushtet e reja në bashkëjetesën mes popujve. Nëse rasti i BE është një shembull tipik, i cili mbase na çon shumë larg nga horizonti për të kuptuar forcën transformuese që ka politike, por mjaftojnë shembuj më të vegjël për të kuptuar mirësitë e politikës për të përfaqësuar jetën e përditshme”, tha ai.
