Kryeministri Edi Rama ka zhvilluar ditën e sotme një takim me drejtuesit dhe studentët e Korçës.
Duke folur në ambientet e universitetit “Fan Noli” kreu i ekzekutivit tha se qeveria është e qartë për detyrat e saj.
Ai u shpreh ndër të tjera se akreditimet në arsimin e lartë ishin në dorën e këshilltarit të Berishës.
“Unë jam gjithmonë i gatshëm të takohem me studentët. Këto tema që ne diskutojmë sot, do të ishin luks i paimagjinueshëm pesë vite më përpara. Kur kishte universitetet që merrje diploma si të doje kundrejt parave dhe akreditimet bëheshin nga këshilltari i kryeministrit” – tha ndër të tjera Rama.
Sipas tij, studentët deri më sot kanë bërë 900 aplikime për 800 vende pune. Ai ironizoi edhe studentët protestues teksa tha se është i gatshëm të takohet në çdo moment, kryesisht me ata që ndodhen jashtë dhe nuk marrin pjesë në takimin e sotëm.
/a.rada
