I pranishëm në shkollën Fan Noli, ku Bashkia e Tiranës ka prezantuar projektin e saj për rindërtimin dhe ngritjen nga e para të rreth 20 shkollave, Kryeministri Edi Rama ka folur për projektin e 1 mld dollarëve, duke thënë se jo vetëm Tirana, por e gjithë Shqipëria do të “pajiset” me shkolla të reja.
Kryeministri është shprehur se përmes projektit të qeverisë 1 miliardë dollarë, do të nisin së shpejti investimet për ndërtimin e 53 shkollave të reja dhe 97 shkollave të rikonstruktuara nga e para.
Përfshi këtu edhe 20 shkollat në Tiranë, prej një total prej 170 institucionesh arsimore. Kryeministri Rama është shprehur se falë këtyre investimeve nuk do të ketë më turn të dytë.
“Ajo që ne bëjmë dhe që sot bashkia e Tiranës prezanton si dallëndyshja e parë sic i takon të jetë, që lajmëron një stinë të re transformimesh të mëdha jo vetëmn infrastrukturore, është një ndërveprim intensiv me sipërmarrjet dhe bankat, për të siguruar që me të njëjtat para që buxheti i shteti tdo të invesonte në 20 vitet e ardhshme, sepse aq janë mundësitë, të mund të ndërtojë këto shkolla, dhe buxheti të vijojë me shlyerjen e këtyre parave.
Ky program vjen si rezultat i nevojës për të përshpejtuar rritmin e ndryshimit…. Dhe për të përshpejtuar për një nevojë që nuk mund të shtyhet për nesër, nevojën e fëmijëve për të marrë sot të gjitha kushtet.
Në këtë aspekt besoj që ky moment ka një rëndësi të madhe për të çelur kantieret e tjerta. Janë 170 shkolla, prej të cilave 53 do të ndërtohen të reja dhe 97 që do të rindërtohen nga të reja, plus 15 shkolla të reja në Tiranë… me këtë program këto shkolla e prjekte për to do të bëhen realitet. Do të bëhet realitet ëndrra dhe dëshira e kaq shumë prindërve që të kenë akses të njëjtë përsa i përket standarteve.
Do të bëhet realitet heqja e turnit të dytë.”-tha Rama.
Kryeministri u shpreh se programi 1 mld dollarë do të rrisë ndjeshëm ekonominë e vendit.
“Shumë shpejt do të jemi përpara dyerve të reja të komunitetit ku do të çelen shkollat e para të reja dhe po ashtu jam i bindur që ky program për Tiranën do të sjellë impakt të madh ekonomik dhe social, dhe për Shqipërinë do të bëjë që rritja jonë ekonomike të dyfshohet, çka do të thotë se nga një rritje ekonomike që sot është patjetër shumë domethënëse nëse llogarisim se u nisëm nga një situatë ku ishim midis 0 dhe 1 % por që nuk ndjehet aq sa duhet në tryezën familjare të njerëzve të zakonshëm. Sot në 3.5 %, të shkojmë në një rritje që me patjetër të jetë 6 e më shumë përqind. Po së paku duke kaluar nivelin e 5 dihet botërisht se mund të kalohet çdo prag në çdo shtresë dhe aksesi në rritjen ekonomike kthehet në një akses që iu vlen të gjithëve”, tha kryeministri Edi Rama. /java/a.k
