Mbarojnë pushimet për grupin parlamentar të Partisë Socialiste. Kryeministri Rama do të mbledhë në një nga komplekset turistike në Elbasan Grupin Parlamentar Socialist, në një mbledhje informale me deputetët e tij në prag të sesionit të ri parlamentar.
Një javë para nisjes zyrtarisht të legjislacionit të ri parlamentar, mësohet se socialistët do të diskutojnë axhendën e tyre parlamentare, veçanërisht qëndrimet që do të mbajnë në adoptimin e ndryshimeve kushtetuese në Kodin e ri Zgjedhor, por dhe çështjet e brendshme të kësaj partie.
Deputetët të ndarë sipas qarqeve kanë zonat e tyre të patronazhit, ku kanë dhe kontaktet e afërta me zgjedhësit dhe monitorojnë edhe organizimin e brendshëm të partisë. Gjendja e strukturave të PS në prag të nisjes së përgatitjeve për zgjedhjet parlamentare të 2021 pritet të jetë pjesë e axhendës së takimit të sotëm.
g.kosovari
