Kryeministri Edi Rama ka mbledhur ditën e sotme Zyrën Operacionale mbi situatën e krijuar nga reshjet e dëborës dhe temperaturat e ulëta.
Në fjalën e tij, Rama tha se gatishmëria ka qenë maksimale përpara se të niste një mot i tillë ndërsa theksoi se Shtabi i Emergjencave aktualisht po bën një punë voluminozë dhe me rezultate pozitive.
“Nëse do t’i referohemi volumit të madh të pasojave besoj se bilanci i deri tanishëm është mjaft pozitiv. Nuk po hyj në detaje të mëtejshme pasi kemi informacion të përditësuar çdo 60 minuta nga i gjithë territori. Bëhet fjalë për efikasitet dhe një situatë nën kontroll. Edhe situata e rënduar me epideminë e gripit është drejt përmirësmit, gjë që e tregojnë rëniet e numrit të vizitave në spitale dhe qendra shëndetësore” – tha Rama në takimin me Zyrën Operacionale.
