Kryesocialsiti Edi Rama mbledh sot në selinë rozë drejtuesit e qarqeve. Në fokus të këtij takimi do të jetë procesi i rienergjizimit të Partisë Socialiste.
Drejtuesit politikë të qarqeve do të bëjnë një analizë të punës në terren, si edhe do të raportojnë mbi objektivat e vendosura nga Rama për 50 mijë anëtarësime të reja deri në Kongresin e qershorit.
Ndërsa prioriteti i dytë është përfshirja në organizatat socialiste, të përfaqësuesve të të gjitha shtresave të shoqërisë, për të siguruar gjithëpërfshirje.
Ky takim vjen ndërsa PS do t’i nënshtrohet një procesi për zgjedhjen e krerëve të degëve, ndërsa më 12 maj zgjidhen delegatët. Ndërsa në qershor mblidhet Kongresi i PS, organi më i lartë vendimmarrës në parti.
/a.r
