Tre ditë pas zgjedhjeve lokale të 30 qershorit ku Partia Socialiste e Shqipërisë fito 60 bashki, kryeministri Rama ka mbledhur në seli kryesinë e kësaj Partie. Në këtë kreu i qeverisë dhe kryeatri i PS-së diskutoi rreth rezultatit në zgjedhje. Rama deklaroi se pas takimeve dhe analizës do të mbahet edhe asambleja brenda korrikut.
“Do të kemi mbledhje dhe analiza me asambletë e PS-së në cdo bashki. Diskutim për rezultatet zgjedhore dhe ecurinë e procesit të konstituimit të këshillave bashkiakë dhe kryetarëve të rinj. Pas këtij procesi do të ketë mbledhje asambleje brenda Korrikut” mësohet se ka thënë ai.
Mbledhja e zhvilluar në selinë rozë zgjati rreth 90 minuta dhe Rama ka diskutuar me deputetët dhe anëtarët e tjerë të Kryesisë për hapat e mëtejshëm të shkarkimit të Ilir Metës nga posti i Presidentit të Republikës.
Ditën e djeshme presidenti, Ilir Meta bëri një propozim nga ana e tij për t’i dhënë një mundësi zgjidhje ngërçit politik të krijuar nga opozita, shkruan shqiptarja.com. Meta propozoi që më 13 tetor Shqipëria të futej në tre palë zgjedhje, ato të përgjithshme, lokale si dhe ato për president.
Deri më tani kryeministri Rama nuk ka patur reagim zyrtar për propozimin e Metës, ndërsa për zgjedhjet lokale të cilat u mbështetën nga BE dhe SHBA dhe që u organizuan në mënyrë paqësore, pritet të jepet ‘vula’ e fundit nga OSBE/ODHIR edhe pse një këndvështrim i përgjithshëm u dha ditën e djeshme.
g.kosovari
