Kryeministri Edi Rama dhe homologu i tij Dushko Markoviç dolën në një konferencë të përbashkët për mediat pas takimit të përbashkët mes dy qeverive ku u nënshkruan një sërë marrëveshjesh.
Teksa foli për marrëveshjet e nënshkruara, Rama tha se qasja ndaj pakicave në dy anët e kufirit garanton fqinjësinë e mirë dhe rritjen e bashkëpunimit.
“Jam besimplotë që me Malin e Zi do bëjmë pogres të shpejtë dhe të qëndrueshëm, pasi siç e theksova është një fqinjësi pa asnjë hije, pa asnjë çështje të hapur mes vendeve. Por është fqinjësi e garantuar nga paikcat përkatëse në dy anët e kufirit. Më vjen mirë që me vëllezërit tanë në Malin e Zi kemi rolin e shqiptarëve në transformimin e Malit të Zi nga një republikë e ish-Jugosllavisë në shtet demokratik dhe së fundi anëtar i NATO-s.
Duke pasur qasje shumë pozitive ndaj pakicave përkatëse, jemi të bindur se gjithçka që mund të parafytyrojmë, nuk ka asnjë pengesë”, tha Rama.
Ndërkohë homologu i tij Markoviç e cilësoi historik mbledhjen mes dy qeverive. Ai shprehu mirënjohje ndaj Shqipërisë për mbështetjen që i ka dhënë Malit të Zi në NATO.
“Kam dëshirë të pajtohem me kolegun tim Rama. Mbledhjen e kishte si objektiv jo vetëm të vërtetonte marrëdhëniet e mira mes dy vendeve, por edhe të kishte një përfundim. Mali i Zi dhe Shqipëria, historikisht kanë patur marrëdhënie të mira. Mali i Zi dhe Shqipëria, s’kanë patur probleme mes tyre. Jeta e qytetarëve duhet të bëhet më e mirë. Siç tha dhe Rama, kemi nënshkruar disa marrëveshje. Këto nuk janë vetëm përkushtime, janë hapa konkretë, jo objektive. Pra raportet tona ndërshtetërore i shndërrojmë në marrëdhënie të përbashkëta. Me kapacitetet që kemi do ndihmojmë Shqipërinë. Përvoja jonë me negociatat, është në dispozicion. Nuk jemi të kënaqur ti hapë negociatat në 2019, donim të hapeshin këtë vit. Si politikan pragmatik shohim të ardhmen dhe do rekuperojmë. Mali i Zi dhe Shqipëria janë dy vende në zhvillim”, tha Markoviç.
Një prej marrëveshjeve të rëndësishme është ajo për Policimin Ajror dhe Emergjencat Civile. Hapja e dy pikave të reja kalimtare mes dy vendeve si dhe vënia në funksionim e një tjetër pike, ishin gjithashtu një tjetër marrëveshje e firmosur nga kryeministrat Edi Rama dhe Dushko Markoviç.
“Mbetemi shumë të lidhur edhe në përpjekjet për të konkretizuar programin e investimeve të procesit të Berlinit ku faktikisht jemi së bashku. Do të punojmë konkretisht për të avancuar procesin e lehtësimit të shkëmbimeve tregtare, me reduktimin maksimal të barrierave jotarifore. Me incentiva përkatëse për kompanitë që janë të interesuara të ndërveprojnë në dy anët e kufirit. Në vjen mirë që kemi nënshkruar marrëveshjen përhapjen e pikës së përbashkët kufitare në Zotaj”, tha Rama.
Rama ka theksuar se shumë shpejti, dy vendet ballkanike do nisin përgatitjen për fillimin e punimeve të autostradës së kaltër, apo siç njihet ndryshe “Autostrada Adriatiko-Joniane”.
“Mbetemi shumë të lidhur për të konkretizuar programet për procesin e Berlinit. Do nisim përgatitjet për autostradën e kaltër, apo Adriatiko-Joniano, që përfshin Malin e Zi dhe Shqipërinë. Për të avancuar procesin e lehtësimeve tregtare. Kompanitë që janë të interesuara të lehtësojnë procedurat e kalimit”, vijoi kryeministri./a.m.
