Edi Rama është shkëputur nga seanca parlamentare për të shpërndarë leje legalizimi me ministren Gjermeni, deputetin Majko dhe kandidatin e PS për Tiranën, Erion Veliajn.
Gjatë shpërndajrjes së lejeve, Rama ka shkëmbyer edhe batuta me Majkon e banorët. Mes tyre Rama tha që ishte Majko që futi Veliajn në PS. Nga ana tjetër, Majko ka thënë me batutë, se Rama edhe Veliajn e trajton si godinë pa leje.
Ja batutat e plota:
Rama: Ftoj Pandeli Majkon, Majko futi Erjon Veliajn në Partinë Socialiste.
Majko: E qartë, e qartë e kuptojnë edhe këta. Edhe Erion Velinë e trajton si godinë pa leje. Edi bëri katin e parë, unë bëra katin e dytë të këtij Erioni që shikoni sot. Të jetë dita e fundit e nxirjes së jetes në këtë kalvar të gjatë që ajo që kërkoni është që të ndiheni krenar në shtëpitë e juaja.
Majko-banores së moshuar: Eh ç’ta kemi nxi jetën në diell sot…s’ke faj ne të majtët jemi njësha me ta nxi jetën.
Rama-Majkos: Ishit një çift perfekt të dy me flokë të bardha dhe ju pata zili. Erionin s’është se e trajtova si godinë pa leje. Unë desha vetëm të them kush e legalizoi. Jam i sigurt që legalizimi që i bëri Pandi duke e bërë pjesë të PS ka qenë një ogur shumë i mirë, siç do jetë edhe për zonjën që e mori nga dora e Pandit lejen, se më besoni se kush ka lidhje shpirtërore me Pandin ka vetëm mirë.
Rama për ministren Gjermenin, e cila ndan leje legalizimi: Flet pak, por punon shumë. Po të punosh me Tan Lamen edhe shumë të flasësh nuk dëgjohesh fare. Se s’të lën Tan Lamja se i hanë duart.
Rama banorit që do t’i jepte lejen e legalizimit: Ky është Fatmiri? Obobo qenka demokrat dhe këta kur janë të flaktë çojnë gruan. Por bravo i qoftë të paska çuar me të kuqe këtu.
Rama një tjetër banori: Hajde merre lejen, se partia jote nuk ta dha, se ti dukesh që je me PD.
Banori: PD tani është me Kastriot Islamin
