Kryeministri Edi Rama dhe kryetari i Partisë Dmeokratike Lulzim Basha janë përfshirë në një debat në distancë në rrjetet sociale pas deklaratave të deputetit gjerman Krichbaum, i cili tha se Shqipëria duhet të plotëojë 7 kritere, nga 5 që janë vendosur. Rama i bëri thirrje në facebook Lulzim Bashës të mos përdorë deputetë të huaj për të sharë Shqipërinë dhe për të bllokuar negociatat.
“Lulzim mos kap skutave deputetë të huaj për të sharë e për të bllokuar Shqipërinë po lexo rekomandimin e qartë të BE dhe zhblloko Vetingun!”, shkruante Rama në facebook.
I menjëhershëm ishte edhe reagimi i kreut të opozitës Lulzim Basha po nëpërmjet rrjetit social facebook. Ai i drejtohet Ramës duk i bërë thirrje “të lërë përrallat me imperialistë”.
“Lëri përrallat me armiq imperialistë. Mijëra familje vuajnë për bukën e gojës, shqiptarët paguajne cmimin më të lartë të energjisë në Ballkan, vendi po zbrazet e të papunët shtohen cdo ditë, maturantëve ua dogje ëndrrat për arsim, studentët po lënë shkollën prej tarifave te rritura, fermerët nuk i ngop dot me përralla per kredi, shëndetësine e cove ne kolaps. Krimi, droga dhe korrupsioni i kanë zënë rrugën vendit. Këto jane hallet e shqiptarëve e jo armiqtë imagjinarë që zbulon nga dhoma e vizatimeve. Është ora e të vërtetës”, shkruan Basha./a.m.