Në orët e para të paradites, në selinë rozë është mbledhur kryesia e Partisë Socialiste ku janë diskutuar një sërë çështjesh.
Mësohet se takimi në fokus ka pasur situatën politike në vend që pas djegies së mandateve të opozitës dhe ndikimit që do të ketë në çeljen e negociatave.
Burimet nënvizojnë se kryeministri Edi Rama ka kërkuar që të vijohet normalisht puna e ministrave dhe deputetëve pavarësisht situatës së krijuar.
Shefi i qeverisë dhe njëherazi kreu i PS-së ka porositur deputetët për të vijuar punën në Kuvend dhe përgatitjen për zgjedhjet vendore.
Gjithashtu ai ka nënvizuar që të shmangen përplasjet mediatike me pjesën e deputetëve që kanë djegur mandatet.
