Kryeministri Edi Rama ka reaguar sot pas kërkesës që mazhoranca i drejtoi Komisionit Qendror të Zgjedhjeve për shtyrjen e afatit të regjistrimit sa u përket koalicioneve.
Përmes një statusi në Facebook, Rama shkruan se kërkesa është e koalicionit PS-LSI dhe e partive të vogla si një shprehje e vullnetit të mirë ndaj Partisë Demokratike dhe aleatëve të saj.
“Kërkesa ndaj KQZ-së është e koalicionit PS-LSI Etj si shprehje vullnetmirë ndaj PD & Etj. Po asnjë merak nëse ne me bukë e ata me gurë deri në fund” – shkruan kryetari i Partisë Socialiste, njëkohësisht kryeministër.
Pavarësisht kërkesës që mazhoranca i ka drejtuar KQZ-së, ajo nuk u mirëprit nga opozita e cila këmbëngul për bojkotimin e zgjedhjeve me qeverinë ekzistuese. Kërkesa u kundërshtua sot edhe nga anëtarët e opozitës në KQZ dhe deputetë të saj përmes qëndrimeve publike. /javanews/b.d
DOKUMENTI/ Zgjedhjet, PS-LSI shkresë KQZ-së: Të shtyhet afati i regjistrimit të koalicioneve
