Edi Rama ka komentuar mbrëmjen e së martës zgjedhjen e Fatmir Xhafajt si ministër i Brendshëm. I pyetur për akuzat ndaj këtij të fundit, Rama tha se nuk ka asnjë fakt që t’i provojnë ato.
Sipas Ramës, Xhafaj është një politikan që ka dhënë kontribut të vyer në reformën më të rëndësishme, atë në Drejtësi.
I pyetur nëse ka pasur konsultime me SHBA dhe BE për emrin e Xhafajt, Rama bëri këtë koment:
“Nuk ka pasur asnjë ndikim nga askush, por në praktikën time ka qenë që për ministrin e Mbrojtjes dhe atë të Brendshëm të konsultohem me partnerët tanë strategjikë. U kam shtruar kandidatin partnerëve dhe ata kanë dhënë vlerësim shumë pozitiv” – tha Rama në “Studio e Hapur”. /javanews/b.d
