Kryetarja e Komisionit Hetimor të inceneratorëve, Jorida Tabaku, i kujtoi Kryeminstrit Rama se opozita pretendon që në kontratën koncesionare janë të përfshirë disa ministra dhe struktura qeverisëse të përfshirë në proces.
“Në vendimmarrje nuk është përfshirë vetëm një ministër, por një pjesë e strukturës administrative që kishte vendimmarrje në këtë proces. Dy ministra e kanë pranuar që kjo procedurë duhet miratuar, por ndërkohë nuk ekzistonte në ligj. Ju kam dëgjuar edhe herë të tjera që keni folur për projekte madhore, për individë, për ish-ministra për të cilët ndjeheni krenar. Dhe për raste që ish-ministra kanë përfunduar në organin e akuzës. Nuk më vjen fare mirë të përmend rastin e Saimir Tahirit, shokut tim të klasës. Prandaj ju pyetja, për këtë vepër ishit krenar, por inceneratori i Elbasanit ka 2 muaj që nuk funksionon, sipas dëshmisë së kryebashkiakut të Elbasanit dhe administratorit të impiantit”, tha Tabaku.
Kryeministri iu përgjigj se çështja e korrupsionit nuk varet nga koha në pushtet, por tundimi.
“Ishin disa që solli miku im Luli, që dukeshin sikur kishin nga 18 vjet, jo 8 apo 9 vjet. Tjetri është në burg dhe e përmende këtu. U mërzite se u përmend Luli, dhe nuk është se i thashë ndonjë gjë”.
Të thuash sesi mund të jesh krenar për dikë që më pas përfundon keq, pyet kryetarin e partisë tënde, që ndihej krenar për Sali Berishën. Pyetje dhe thuaji “si mund të jesh krenar për Berishën dhe sot ke hyrë në luftë?”. As Tahiri s’është objekt i komisionit. Ti e ke edhe shok klase.
Unë po i shkoj me shumë fanatizëm linjës që po imponon vet. Edhe për Tahirin ta them hapur. Unë jam shumë krenar për punën që kam bërë me Tahirin. Për çfarë një ministër bën jashtë kuadrit të punës me mua që kemi bashkë, të detyrave, planeve, që kemi bashkë, është përgjegjësi individuale”.
/a.r
