Kryeministri Edi Rama po prezanton 10 objektivat që qeveria e re ka në ballë të saj.
Në sy bie fjala e ashpër e kryeministrit në lidhje me shkrirjen e institucioneve dhe posteve të shumta në administratë, të cilat janë jo vetëm të tepruara por edhe parazitare.
Nga asambleja e PS-së Edi Rama ka paralajmëruar shkarkime masive të drejtorëve, duke ironizuar se në Shqipëri ka më shumë drejtorë sesa punëtorë.
Rama është shprehur se vendimi i parë i qeverisë së tij do të jetë shkrirja e “policisë gri”, një pjese të uniformave blu të lidhura me krimin, për të cilat kryeministri është akuzuar mjaft shpesh nga opozita në zgjedhjet e 25 qershorit.
“10 tipare që duhet të ketë ky mandat;
Besnikëria ndaj vendit, më tej vullneti i palëkundur ndaj reformave. Jemi vendi me më pak punonjës në administratë në rajon dhe jemi vendi me më shumë drejtorë.
Së treti; qasja frontale, operacione në cdo zonë, reformim, ristrukturim, rivlerësim burgimesh njerëzore. Së katërti; gatishmëria për dialog me opozitën, por pa lënë asnjë punë të sotme për nesër.
Sjellje pro-aktive duke i shtrirë dorën në cdo hap. Ta kërkojmë bashkëpunimin jo kur vjen ‘veza për të dalë’ por në vijmësi për cdo cështje, por nuk do të qëndrojmë në vend duke pritur opozitën.
Së pesti; operacione jo konvencionale kundër korrupsionit. Duhet të ecim në ttugë të pashkelura më parë. Do të nisim punën që këtë javë me ministrin e ri dhe parlamentin për ta zgjedhur programin një miliard, duke cuar një qasje të re buxhetore për ujin, shkolla dhe spitalet.
Do të bëjmë largime në bllok drejtorësh siç janë drejtoritë e të ashtuquajtura të Bujqësisë. Ose e famshmja, Policia Gri sepse arsye e ekzistencës së këtyre strukturave ka vdekur me kohë por ato janë mbajtur në jetë dhe janë fryrë nga sistemi kanceroz i koalicioneve.
Nuk do të ketë shtet tjetër në Evropë që ka më pak dokumente se ne. Ky duhet të jetë parimi. Do të bëjmë çmos vendosjen e një rregulli bazë në shërbimet publike. Historia shko atje, duke atje, paraqitur atje, duhet të mbarojë. Të gjitha destinacionet do të jenë të zyrës që ofrojnë shërbime.
Së shtati afrimi këmbëngulës i komiteteve i grupeve të interesit në politikbërje, duhet të jetë tipar dallues i joni nga të tjerët, i njerëzve të rinj në qeverisje në të gjitha nivelet dhe administrim. Na duhet një bindje e thellë që pa ta ne jemi të humbur, na duhet shumë mund e durim derisa t’ja dalim. Edhe afrimi i njerëzve të rinj në qeverisje është shumë më tepër , na duhet më shumë besnikëri ndaj këtij vendi që nuk është prona jonë, s’është hipoteka e PS, madje e vetëm atyre që kanë votuar për ne.
Me njerëzit tanë në nivelet e poshtme të partisë që unë e them hapur s’janë të gatshëm ta rrokin idenë se lamtumira e tepsisë së pushtetit s’duhet të shtyhet asnjë ditë por duhet të ndodhë ditë për ditë.
Së teti aftësia vetëkritike duke niur nga ministrat tanë, si cilësi e procesit të qeverisjes. Për këtë aspekt do përqëndrohemi ne ministat e parlamentit të ri do nënshkruajnë bashkë me mua një marrëveshje mirëkuptimi me asamblenë kombëtare jo formale por parimesh, për tu respektuar në rradhë të parë nga anëtarët e kabinetit qeveritar në raport me asamblenë dhe grupin parlamentar.
Së nënti na duhet një tipar që nuk na mungon por duhet ta forcojmë, disiplina shëmbullore në zbatimin e strategjisë së komunikimit, partia, grupi, qeveria si një fuqi e vetme. Aftësia për të thënë me falni, që nga kolegu deputet deri te populli mbarë është jetike për fatin e ksaj betejë.
Një tipar që të gjithë kemi krenarinë ta konsideromë tipar të qeverisjes së derisotme, por duhet të na karakterizojë shumë fort, dinjiteti në përfaqësimin e Shqipërisë në arenën ndërkombëtare. Kursi i ndërtuar është i respektueshëm por duhet përforcuar sidomos në nivelin e përfaqësimit të diplomacisë sonë.-tha Rama.
