Kryeministri Edi Rama ishte në Shkodër ku zhvilloi një takim me të rinj që votojnë për herë të parë. Ai ka ironizuar sërish kryebashkiaken e djathtë të Shkodrës Voltana Ademi.
“Të bëhemi bashkë që të mos ndahemi si tifozë të fanellave politike. Por ne duhet të jemi të gjithë bashkë nën flamurin e Skënderbeut dhe të Ismail Qemalit. Sot isha në Tiranë dhe Voltana ishte marrë me ne. Kishte thënë që Edi Rama mos e provoko Shkodrën. Por në fakt sa vij unë në Shkodër ajo zgjohet nga gjumi. Në fakt ajo kishte ngritur një çadër për të penguar këtë takim. Dhe tha që ajo ishte ngritur për ditën ndërkombëtare të familjes. Kështu tallet Voltana me njerëzit dhe me ata që e kanë votuar. Unë nuk e votoj dhe nuk e kam votuar. Unë kam qenë kryetar bashkie por Voltanën nuk e merrja as për magaziniere”, tha Rama./a.m.
