Kryeministri Edi Rama ka ironizuar me partnerin e tij në koalicioni qeveritar, kreun e LSI Ilir Meta, në lidhje me propozimin e tij për atë që e quajti ‘qeveri besimi’. Teksa mbajti një fjalim para të rinjve në Apolloni të Fierit, Rama i’u drejtua atyre duke i pyetur se “kush ëhstë dakord për qeveri teknike, apo për qeveri besimi”.
Kjo solli të qeshura tek të pranishmit teksa Rama vijoi më tej kur tha se ky debat nuk ka lidhje me Shqipërinë që duam.
“Zemrën nuk ia cajmë dot njëri tjetrit por kush do të shtyhen zgjedhjet të ngrejë dorën?
Kush do qeveri teknike? 1,2,3, po qeveri besimi? Debati për qeveri teknike, besimi shtyrje zgjedhjesh e me rradhë, është një debat që s’ka lidhje me arsyet pse zgjedhjet duhet të realizohen dhe pse duhet votuar. Ka lidhje jo me zgjedhësit por me ata që janë zgjedhur dhe që duan të zgjidhen e që s’duan të lënë të tjerët të zgjedhin se s’duan të zgjidhen të tjerët. Votimi ka lidhje me Shqipërinë që duam, ku nuk ka rëndësi fare se sa mëson dhe se sa di, por ka rëndësi se si e ke mbiemrin dhe se kë njeh, unë them që duam një vend që ka rëndësi sa mëson dhe sa di, kur pavarësisht se ia vlen apo sja vlen të shkosh në universitet, të gjithë të shkojnë dhe pastaj të kenë në dorë një diplomë që ska asnjë vlerë apo duam një Shqipëri që kush sjkon në universitet merr nje diplomë me vlerë…”, tha Rama.
Ai nuk kurseu as ironitë për kreun e PD Lulzim Basha. Teksa një qytetar përmendi emrin e Bashës, Rama i’u drejtua: “Çfarë ke mo vlla…Luli është brenda, në çadër. Na ra goja, dil Luli, dil Luli, hajde të flasim, nuk del Luli…”
Rama deklaroi më tej se Partia Socilaiste nuk e ka tradhtuar kurrë interesin kombëtar, por pranoi se edhe ka gabuar në momente të caktuara. Ai deklaroi se në 18 Qershor votohet për të çuar përpara reformat.
“PS është e vetmja parti, që edhe përpos gabimeve, nuk e ka tradhtuar kurrë interesin kombëtar” vijoi Rama.
/a.m.
