Kryeministri Edi Rama deklaroi se në momentin e hapjes së negociatave me BE ka një rëndësi shumë të veçantë siguria ushqimore. Ai vizitoi një thertore në Berat, ndërsa u shpreh se qeveria do të mbështesë të gjithë ata që marrin iniciativa dhe kanë një projekt konkret.
“Në momentin e hapjes se negociatave siguria ushqime vendoset në rend të ditës menjëherë. Konsiderohet fenomen i pa perceptueshëm, ka qenë problem edhe në Bullgari, Rumani dhe vende të tjera. Siguria ushqimore është e lidhur me shëndetin e fëmijëve, njerëzve” tha Rama.
Rama u shpreh gjithashtu se po çelet rruga për mishin për të dalë më në fund në eksport me këtë produkt të rëndësishëm, që deri dje as imagjinohej se mund të merrte leje eksporti.
