Kryeministri Edi Rama gjatë fjalës së tij para grupit të deputetëve të PS në mbledhjen e zakonshme u ndal edhe te nisma e re që pritet që të dërgohet në Kuvend, paketa antishpifje. Ai tha se paketa nuk synon që të mbyllë rrugët e lirisë së shprehjes, por që secili ti dalë për Zot asaj që thotë.
“Shumë shpejt do i sjellim Kuvendit paketën anti shpifje, jo për të mbyllur rrugët e lirisë së shprehjes, por secili ti dalë për Zot asaj që thotë. Nuk kemi asnjë punë me Kodin Penal, asnjë lidhje me ndëshkime penale. Paketa anti shpifje do të jetë një paketë me standarde evropiane do të përshëndetet edhe nga institucionet ndërkombëtare, pa dyshim”, tha Rama
Nisma e Ramës është kundërshtuar nga opozita, e cila e cilëson si manovër për të larguar vëmendjen nga opinioni publik pas ngjarjeve të fundit.
a.ç
