Kryeministri Rama iu është kthyer sërish akuzave ndaj presidentit Meta.
Teksa ndodhej në Fier për të mbikëqyrur punimet në spitalin e ri që po ndërtohet në Fier, kreu i qeverisë tha se Meta është shpërdorues i rolit të presidentit dhe se i bën deklaratat nga këshillat e Petrit Vasili.
Ai e quajti kohën kur Vasili ka qenë ministër Shëndetësie si koha më e errët e shëndetësisë shqiptare.
Ditën e sotme presidenti Meta tha se vendi është në prag të katastrofës për shkak të situatës së krijuar në vend nga Covid-19.
“Meta është shpërdoruesi i rolit të presidentit. Ai bën deklaratat nga këshillat e Peço Vasilit, dhe koha kur Vasili drejtonte shëndetësinë është koha më e errët e shëndetësisë shqiptare.
Vaksinimi do shtrihet në moshat mbi 80 vjeç. Nëse presidenti mendon se Reshat Arabana apo Tinka Kurti nuk duhet të vaksinohen si çdo të moshuar tjetër. Ky njeri është bërë si dordolecët që vihen në fusha për të trembur zogj.” – tha Rama./a.p
