Kryeministri Edi Rama ftoi liderin e opozitës për bashkëpunim në Shtator, gjatë një interviste dhënë për Lutfi Dervishin në RTSH.
Ai tha se “ne e vetmja gjë që nuk mund t’i ofrojmë Partisë Demokratike dhe simotrës së saj LSI është pushteti. Të tjerat janë të gjitha për diskutim. Nuk kemi asnjë problem”.
I pyetur nëse ka mundësi për një tjetër marrëveshje si ajo e 17 Majit, Rama tha se është e mundur. Por, kreu iopozitës Lulzim Basha i ka mbyllur derën çdo bashkëpunimi me Ramën.
Kreu i PD, me anë të një postimi në “Twitter”, shkruan se kurrë nuk do të bënte një koalicion me Edi Ramën. Ai thotë se detyra e tij është vetëm largimi i Edi Ramës nga pushteti.
“Kurrë! Koalicion me Edi Ramën nuk do të ketë kurrë! Detyra ime, e PD është largimi i Edi Ramës nga pushteti dhe nxjerrja e tij bashkë me Tahirin, Gjiknurin, Dakon, Sejdinin dhe të gjithë politikanët e lidhur me krimin para drejtësisë!”, mbyllet reagimi i Bashës.
Në intervistën e dhënë në TVSH, Rama u shpreh se mazhoranca mbetet e gatshme për bashkëpunim. “Unë e kam treguar me fakte kokëforta. Dhe fakti më kokëfortë ishte shtrirja e dorës së bashkëpunimit për muaj të tërë ndaj opozitës për të garantuar procesin e kaluar zgjedhor dhe lutja për muaj të tërë ndaj kryetarit të opozitës dhe marrëveshja më në fund e arritur”, tha Kryeministri.
Kurrë! Koalicion me Edi Ramën nuk do të ketë kurrë! Detyra ime, e PD është largimi i Edi Ramës nga pushteti dhe nxjerrja e tij bashkë me Tahirin, Gjiknurin, Dakon, Sejdinin dhe të gjithë politikanët e lidhur me krimin para drejtësisë! pic.twitter.com/FJ0zV9tllg
— Lulzim Basha (@lulzimbasha_al) July 31, 2018
/a.m.
