Kryeministri Edi Rama hodhi akuza ndaj Partisë Demokratike sot, se kjo e fundit po gënjen për çmimin e energjisë.
Në foltoren e Kuvendit, Rama tha se PD flet sikur të ishte një mbeturinë e Partisë së Punës dhe jo një parti e qendrës së djathtë.
“E shara dhe e bërtitura nga vendi nuk është argument. Ju vetë kur keni qenë në qeverisje a keni blerë energji? Është një gënjështër se Shqipëria ka çmimin më të lartë të energjisë në rajon. Kemi zgjedhur të jemi një vend i hapur i tregut, por ju flisni sikur të jeni mbeturina të Partisë së Punës dhe jo si një parti e qendrës së djathtë. PD është në garë për të gjetur ku është kukulla e kush është pengu” – tha Rama teksa shkaktoi reagime nga radhët e PD.
/javanews/a.r
