Pas Luiza Gegës, një tjetër sportist me arritje ndërkombëtare u nderua nga kryeministri Edi Rama. Boksieri Florian Marku u nderu me medaljen ‘Ylli i Madh i Mirënjohjes’. Rama tha se Marku ka nderuar Shqipërinë me arritjet e tij.
“Pas kordonit vjen ylli i madh. Vlerësim i lartë që e kemi bërë për një sërë personalitetesh, përfshirë edhe dy ambasadorë të rëndësishëm. Sot e bëjmë këtë vlerësim për një ambasador të shoqërisë që prejardhjen e ka në Kosovë nga gjyshi dhe Myzeqe nga gjyshja“, tha Rama.
Rama kishte dhe një këshillë për kritikët, kur tha se “për sportin mirë është që askush nga ata që jo vetëm nuk vunë një gozhdë por e panë gropën të hapej e kontrbuan që gropa të thellohej askush nuk ka gojë të flasi”.
“Jemi në borxh me fëmijët e të rinjtë e vendit se shumë vite kaluan e një gropë e madhe u hap. Kur flitet për sportin mirë është që askush nga ata që jo vetëm nuk vunë një gozhdë por e panë gropën të hapej e kontrbuan që gropa të thellohej askush nuk ka gojë të flasi për atë që ne kemi bërë e do bëjmë për sportin.
Ky është viti ku do i japim shtysë të re sportit, duke angzhuar mbi 650 skuadra volejbolli, basketbolli në sistemin arsimor të regjistruara për të hyrë në kalendarin e parë të aktivitetit sportiv shkollor të organizuar.
Kampionë si Floriani janë të mirëseardhur të kontribuojnë të ndërtojnë me mbështetjen tonë akademitë e boksit, mundjes, kampionë si Luiza e me radhë mund të hapin rrugët e tyre për të sjellë të tjerë pas vetes e për t’u bërë frymëzim me shembullin e tyre që provon së asgjë nuk është e pamundur nëse ke fuqinë e këmbëngulej për të ndjekur ëndrrën”, deklaroi Rama.
g.kosovari
