Kryeministri Edi Rama ka komentuar sot vendimin e mazhorancës sa i përket ndërtimit të një teatri të ri kombëtar.
Në studin e Opinion, Rama tha se godina ekzistuese nuk ka asnjë lloj virtyti dhe se nostalgjia nuk është argument.
“Është marrë kohë pasi ka pasur një adresim të Komisionit Evropian, është marrë opinioni i KE i qartë plotësisht lidhur me faktin që nisma nuk bie ndesh me asgjë evropiane, asnjë standard asnjë kriter me sugjerimin. Edhe ti vetë ke qenë I dëshiruar të shembej kjo godinë, asnjë lloj parametri për të qenë një teatër kombëtar.
Kanë kaluar 20 vjet nga 2000. Kjo godinë nuk ka asnjë lloj virtyti që mund të justifikojë qëndrimin e saj. Nuk bëhet fjalë për ta shembur, është me mur ta bëjmë me xham.
Nëse do i referohemi atyre që kemi në këto 5 vite për mbrojtjen e restaurimin është më shumë se 20 vjet të marra sëbashku.Në Londër kanë shembur Ëemblin për të ndërtuar stadiumin e ri. Kjo nuk është një çështje , në rastin konkret është një godinë që ka marrë fund, nostalgjia nuk është një argument. Sa i përket historisë në teatrin e ri do ketë një pjesë muzeale” – tha Rama.
Ai argumentoi se ajo që e bën të posaçëm ligjin për teatrin është fakti se kemi të bëjmë me një kompani që zotëron prona.
“Skena e teatrit është 11 metër e gjerë. 24 metër e gjerë është skena e Turbinës” – tha Kryeministri.
I pyetur lidhur me faktin, se dikur Ministër Kulture, Rama këtë godinë e kishte futur në ansamblin muzeal, Kryeministri tha:
“E kam firmosur, por kanë kaluar 20 vjet nga ajo periudhë”.
/b.d
