Nga Eni Çobani
Sa shëmti dhe sa dhimbje ndjej për atë ngjarje të rëndë të një burri të pamoralshëm pervers që ne deri natën e djeshme si dinim as emrin, sot u kthye në historinë më neveritëse që mund të shohësh dhe dëgjosh ndonjëherë. Ku po shkon ky vend o popull në dorën e këtyre perversëve do ta lemë fatin tonë.
I drejtohem Kryeministrit të vendit tim, pres një reagim nga Ju i nderuar në emër të grave të këtij vendi që punojnë, kontribuojnë dhe rrisin fëmijë të ndershëm dhe të mirëedukuar për të shpresuar që të vazhdojmë të jetojmë në këtë vend, ku gratë mos përdhunohen por të respektohen, që gratë të mos shikohen si punëtore seksi, por të konsiderohen të denja të ecin krah për krah me burrat e ndershëm dhe qytetarë të këtij vendi, ku gratë mos shikohen nga këmbët por nga mendja dhe kontributi atëherë dhe unë do besoj tek ju.
Ju bëj thirrje grave, mikeve, nënave, politikaneve që sot ne duhet të jemi në protestë dhe jo në punë apo në shtëpi në emër të dinjitetit dhe personalitetit të nëpërkëmbur dhe të shkelur me këmbë nga këta burra të neveritshëm pa moral dhe pa fe. I nderuar Kryeministër si djalë të qytetit tim, që të kam dhe si djalë i një familje intelektuale sot zhvishe veten nga pushteti dhe bëhu qytetari reagues dhe shpreh reagimin tënd për këtë shëmti që na serviri një njeri pervers i këtij vendi, por dhe ju keni përgjegjësi për pushtetin e tij me brekë nëpër duar.
Ju drejtohet një qytetare e këtij vendi ku dje u përdhunua nga ato pamje të ulëta dhe që beson që FISNIKERIA LIND NUK BEHET AS NGA PUSHTETI DHE AQ ME PAK NGA FIRMAT E POLITIKES SE KETIJ VENDI. Hiqni dorë nga ANONIMET dhe ktheni vëmendjen tek FISNIKET e këtij populli.
