Kryeministri Edi Rama deklaron se bulevardi i qytezës së minatorëve në Bulqizë po përfundon, pasi ishte lënë në harresë për më shumë se 20 vitesh.
Kryeministri Rama nëpërmjet statusit të tij social Facebook paraditen e së premtes, shprehet: “Rilindja urbanë në Bulqizë. Drejt përfundimit bulevardi i qytezës së minatorëve, ku përmes programit kombëtar të Rilindjes Urbane, pas njëzet e kusur vitesh rrënim e braktisje në balte dhe në pluhur, komuniteti bulqizak po prek ndryshime të rëndësishme cilësore në hapësirën e bashkëjetesës sociale”.
Kryeministri Rama poston në statusin e tij foto nga qyteti verior i minatorëve të Bulqizës, ku tregon së tashmë bulevardi i qytetit është në finiturat e fundit, një imitacion i kalldrëmeve të ngurta me dizenjo interesante.
