Kryeministri Rama ka shkruar sot në facebook mbi analizën e djeshme për sistemin e drejtësisë.
Rama shprehet se tanimë është hapur “kantieri” i reformës në drejtësi. Kryeministri duke theksuar rëndësinë e kësaj reforme, shkruan se ajo po bëhet duke u bazuar në eksperiencat më të mirë ndërkombëtare dhe nga ekspertët më të mirë vendas dhe të huaj.
“Dje na u dha mundesia te njihemi me rezulatet tejet inkurajuese te punes disamujore te Komisionit te Reformes ne Drejtesi; nje pune e shkelqyer e bazuar teresisht ne kontributin e eksperteve shqiptare dhe nderkombetare, pa asnje anesi apo ndikim politik.
Per here te pare ne 25 vjet kemi nje kantier te vertete reforme rrenjesore ne sistemin e kalbur te drejtesise, i cili pa asnje dyshim, eshte edhe me i degraduar se sa sistemi i energjise ku tanime jemi kthyer perfundimisht ne drejtimin e duhur. Me te njejtin vullnet te hekurt do te imponojme kthesen edhe per drejtesine, ku duhet shkulur tumori me i madh i kancerit te korrupsionit e te keqqeverisjes se shume viteve te shkuara.
Diagnoza voluminoze qe na ka vene ne dispozicion ekspertiza e larte e siguruar nga Komisioni i Reformes ne Drejtesi, na jep mundesine historike te realizojme kthesen e madhe duke e mbeshtetur me vullnetin me te forte politik punen e metejshme te eksperteve dhe duke miratuar brenda vjeshtes se ardhshme ne Kuvend te gjithe bazen ligjore te propozuar prej tyre per kete operacion jetik per Shqiperine.”, thekson Rama.
Rama duke e mbyllur postimin e tij shkruan se mazhoranca është e angazhuar maksimalisht për ta çuar deri në fund këtë reformë duke përmbysur kështu sistemin e degjeneruar që sipas Ramës, na ka marrë frymen dhe fytyrën si shtet.
“Me mirenjohje e konsiderate te larte per punen e madhe cilesore te eksperteve dhe me inkurajimin qe Komisioni i Reformes ne Drejtesi ta çoje perpara, me te njejten largpamesi e vendosmeri punen kolosale qe ka nisur, dua te ndaj me qytetaret bindjen se fale kesaj pune ne do t’ia dalim permbysjes se sistemit te degjeneruar te nje drejtesie qe per kaq shume vite na ka marre frymen e fytyren si shtet.”, shkruan Rama.
