Kryeministri Edi Rama dhe kryedemokrati Lulzim Basha ndodhen në Elbasan me rastin e Ditës së Verës. Basha ku është pritur nga qindra qytetarë teksa ashtu si në Kavajë kanë munguar maskat apo shmangia e grumbullimeve.
Mirëseardhjen kreut të PD ia ka uruar një vajzë, e cila i ka vendosur veroren simbol në dorë. Më pas dy vajza të veshura me veshje tradicionale e kanë gostitur Bashën me ballokume dhe i kanë dhuruar lule.
Ndërkohë, pak metra më tutje një grup militantësh të PD kanë tentuar t’i prishin vizitën Edi Ramës. Parakalimi i tij në Elbasan është shoqëruar me disa thirrje “Rama ik”. Kryeministri shoqërohej nga deputetët socialistë të zonës dhe kreu i Bashkisë, të cilët kanë përshkruar rrugën në lagjen Kala. Mes militantëve të Bashës dhe mbështetësve të PS që shoqëronin Ramën ka pasur edhe përplasje verbale e fizike.
Pamjet janë transmetuar live në Facebook-un e kryetarit të PD-së, Basha por ai më pas e fshiu videon.
/a.r
