Kryeministri Edi Rama ka reaguar në lidhje me akuzat dhe ofendimet që kreu i PD-së Lulzim Basha bëri ndaj qytetarit në Cakran të Fierit, vetëm për faktin se ai e ftoi shefin e opozitës të ulet në dialog me Kryeministrin.
Përmes një statusi në Facebook, Rama shpreh keqardhjen e tij për këtë qytetar dhe familjen tij, i cili nga një komunikim miqësor u kthye në sulme dhe akuza nga opozita.
Rama në Facebook:
SHËNIMI I DITËS
Sot isha në Cakran të Fierit, ku ndër të tjerë pata edhe një dialog me zotërinë në videon bashkëngjitur.
Jam sinqerisht shumë i keqardhur për të, sepse për shkak të këtij momenti njerëzisht miqësor komunikimi që mund ta shihni vetë, u sulmua egërsisht (madje familjarisht) nga Lulëzim Basha si kriminel e si trafikant i shitur tek krimi!
I kërkoj shumë ndjesë zotërisë për fjalorin anormal të kryetarit të PD-së dhe i lutem atij e familjes së tij të mos e marrin seriozisht Lulëzim Bashën që mesa duket e ka humbur fare busullën.
