Në podkastin “Flasim” të kryeministrit Edi Rama, mes të ftuarve ishte edhe Anila Dhimitri, kandidatja e PS në listën e mbyllur të Gjirokastrës.
Ajo ka folur për rrugëtimin e saj në politikë, ndërsa nuk munduan batutat nga kryeministri Rama.
Edi Rama: Ke dhe një detyrë që të ka spikatur si drejtuese burrash kështu që ke vënë shumë burra në rresht në Përmet e Këlcyrë, kështu që tani nuk të shkon kjo butësia kaq e madhe përmetare se nuk je dhe aq e butë sa dukesh.
Anila Dhimitri: Unë jam Anila Dhimitri dhe vij nga Përmeti. Vij nga një familje tradicionale përmetare. Pasi mbarova 8-vjeçaren, doja të isha ekonomiste dhe ata ma plotësuan dëshirën, ku shkova në shkollën tregtare në Vlorë dhe më pas shkova me studime për Ekonomi.
Jam kthyer në Përmet dhe aty krijova familjen time. Punova disa kohë dhe pas reforma na mbylli dhe na hoqën nga puna. Shkuam në Greqi bashkë me bashkëshortin, nuk gjetëm veten. Bashkëshorti vazhdoi biznesin dhe unë fillova shefe finance në KESH sot OSHEE.
