Kryeministri Edi Rama ishte sot në Bradashesh të Elbasanit për të shpërndarë certifikatat e pronësisë për tokat bujqësore.
Në fjalën e mbajtur përpara fermerëve, kreu i qeverisë tha se janë 300 milionë euro kredi me interesa shumë të vogla për mbështetjen ndaj fermerëve. Për këtë arsye, ai tha se brenda muajit qershor do të hapen 5 zyra konsulence për fermerët.
“Ne kemi futur në funksion këtë vit një fond garancie për kreditimin e fermerëve përmes bankave të nivelit të dytë në bashkëpunim me BERZH, për të bërë të mundur që kush dëshiron të investojë më shumë për fermën e vet apo të bashkohet me të tjerë, të mund të përfitojë kredi me interesa shumë më të favorshme. Janë 300 milionë euro që janë në dispozicion për financimin e kreditimit. Në fund të qershorit do të hapim 5 zyrat e para të konsulencës për fermerët” – tha Rama.
Si në të gjitha takimet e tjera, edhe në Elbasan nuk munguan batutat midis kryeministrit dhe banorëve. Rama i këshilloi fermerët që mos ziheshin më për pronat.
Qazim Sejdini: Ta gëzosh ti bashkë me miqtë.
Rama: Ktheu andej ta shohin ata të partisë..
Banori: Më vjen shumë keq…të përshëndes…më pëlqen që qeveria mbështet pronarët.
Rama: Pse nuk ta dhanë më përpara..?
Banori: Këtë se di..
Rama: Ta them unë, kur jeni vet në pushtet thoni hë mos se s’ka gjë..rëndësi ka që të jetë mirë ai. Kur vijmë ne thoni e ka për detyrë. Ne e kemi për detyrë. Kur të shkosh në komision numëroi mirë ato votat. Prapë do humbni, por t’i numëroi prapë!
Banori: Patjetër!
Rama: Spiro Nasi, hajde Spiro se t’i qenke i joni! Ty ta jep Taulanti…
Rama: Miser Boshtu, hajde se qenke me LSI-në. Pse u skuqe? Hajde më këtej…nga kush e dëshiron certifikatën?
Banori: Nga kush të dëshirosh…
Rama: Ku të dojë dëshira ime? Se kështu e keni ju e mbani mirë me të gjithë. Hajde Ilir jepja ti se këtë e kemi të LSI-së.
(javanews.al / r.a)
