Partia Socialiste dhe aleatët e saj zhvilluan në Dibër mitingun përmbyllës të fushatës së kandidatit Muharrem Rama. Në këtë takim të zhvilluar ne qendër te Peshkopisë ishte i pranishëm edhe kryeminsitr Edi Rama. Ai ironizoi me kryeopozitarin Basha kur tha se “Se po mos të kishim ato borxhe, e kishim bërë 3 herë Rrugën e Arbrit, por kryetari i PD s’ka faj se e gjeti gati PD. Për aq khë sa e mori qyl, le ta mbajë partinë, por qyl nuk ka për të marrë Dibrën”.
Rama shigjetoi edhe kandidaitn e opozitës për bashkinë e Dibrës Sherefedin Shehu, ndaj të cilit nuk kurseu as ironinë teksa e quajti “Shero”.
“E kam dëgjuar kandidatin që thotë tarifat do ua bëj zero. Nuk thotë dot taksën se atë e kemi bërë ne, por thotë për pastirmin, gjelbërimin. Nëse nuk paguhet, si do e pastrojë e gjelbërojë “Shero” Dibrën?”, tha Rama më tej.
Kryeminsitri u përqendrua në fjalën e tij edhe tek premtimi i madh për Rrugën e Arbrit.
“Pasi unë ju thashë shumë ndershmërisht pse është vonuar rruga e Arbrit dhe u zotova para jush se jemi në që do e ndërtojmë Rrugën e Arbrit, kryetari i PD doli e tha se ne e lamë gati rrugën. Tani që rrugën e Arbrit nuk e kanë lënë gati këtë ska nevojë tua them se ju e dini më mirë. Por, para se sa sot që la gati Rrugën e Arbrit, kryetari i PD të thotë një gjë që la gati, një rrugë që la gati. Edhe investimin më të madh që bëri për rrugën e Kombit nuk e bëri deri në fund. Dhe rrugën e kombit po e përfundojmë ne. Dhe këtë e dinë shumë mirë, gjithë ata që kalojnë Rrugën e Kombit, që deri në një pikë të caktuar është projekti i financuar, e pastaj bëhet grykë shehsi ku ka aksidente e bllokime. Kjo është mënyra se si mendon kryetari i PD gjërat gati, që mos të flas për rrugët e tjera. Se nga rrugët e gjëra na la një mal me borxhe në kantiere të hapura, vetëm për të marë votat. Ne shlyem 720 mln dolarë borxhe për ato rrugët”, tha më tej kreu i qeverisë./a.m.
