Kryeministri Rama pas takimit me kryministrin serb Vuçiç, ka qenë i pranishëm në hapjen e eventit “Vienna Economic Forum”.
Rama e ka cilësuar këtë forum “si një hapësirë dialogu dhe ndërveprimi, për të parë sëbashku nga vijmë dhe ku shkojmë dhe për të trajtuar në një forum ku do të jenë të përfshirë edhe 6 kryeministra të rajonit, problemet e sotme dhe mundësitë për të përshpejtuar zgjidhjen e tyre”.
Kryeministri Rama më pas u ndal sërisht tek rëndësia e vizitës së Vuçiç në Tiranë e cila sipas Ramës është për të lënë pas sherret e së shkuarës dhe çeljen e një kapitulli të ri.
Kryeministri theksoi se “Fuçia e barutit” siç është cilësuar Ballkani, tanimë ulet për të folur për të ardhmen dhe jo për t’u ndarë
“Sot, ju e dini që është për vizitën e tij në Tiranë, Kryeministri Vuçiç, i cili erdhi për ndeshjen e kthimit në vizitën dypalëshe, por edhe për të qenë nesër i pranishëm në eventin tonë. Vjet, për herë të parë në fundin e gushtit, ne të gjithë sëbashku si kryeministra të një territori, i cili është identifikuar në sytë e të gjithëve si territor lufte, si fuçia e barutit të Europës, u ulëm jo për të ndarë sherret e të shkuarës, as për të kontestuar kufijtë që ndajnë shtetet tona, por për të folur për të ardhmen. Falë vizionit dhe ftesës së Kancelares Merkel dhe mbështetjes që Gjermania mike i jep atij që tanimë quhet Procesi i Berlinit, ne çelëm një kapitull të ri.”, theksoi Rama.
