Rama, “aktivisti”, “patronazhisti”…dhe Berisha

Nga Mero Baze

Ka tre faktorë që Sali Berisha I konsideron vendimtarë për fitoret e përhershme të Edi Ramës ndaj tij.
E para është fakti që Edi Rama është kryeministër, I dyti “aktivisti” dhe I treti “patronazhisti”.

Për të parin ka të drejtë. Roli I Edi Ramës si kryeministër është kryesori dhe më I rëndësishmi në fitoren e çdo beteje kundër Sali Berishës. Këtu Berisha ka plotësisht të drejt dhe duhet tia qajmë hallin.

Socialistët mund të kishin mëshirë të gjenin dikë tjetër , më të mundshëm, më të dobët apo më pak të vendosur të fitoj çdo palë zgjedhje. Por me sa duket dhe ata nuk kanë mëshirë.

Tani kjo gjë nuk është se ka ndonjë perspektivë në të ardhmen. Ata do vazhdojnë të kenë kryeministër Edi Ramën dhe do të vazhdojnë ta kenë atë kal beteje për të fituar zgjedhjet.

Ndaj Sali Berisha ka të drejt që e identifikon atë faktor kryesor në humbjen e zgjedhjeve dhe që duhet hequr me protesta dhe luftë se me vota nuk hiqet.

Arsyen e dytë ka renditur një aplikacion në internet që quhet “aktivisti”. Nuk e di çfarë roli ka ky aplikacioni, por mendoj që socialistët në këtë pikë duhet të tregohen të mëshirshëm. Ti bëjnë dhe Berishës një aplikacion të ngjashëm dhe tia japin ta përdori se ndoshta u bën punë. Socialistëve nuk u ka bërë asnjë punë dhe se ka përdorur askush as në zgjedhje, por meqë Berisha mendon se ka rendësi mund tia falin një kopje dhe ta përdor dhe ai. Fundja pa lek është në internet.

Arsyen e tret rendit patronazhistin. Sipas përfytyrimit të Berishës patronazhisti është një nejri që ndjek dhe përgjon nga pas demokratët e lagjes, dhe I raporton shtabit socialist për kë votojnë demokratët.

Nga gjithë analizat që janë bërë në shumicë është vërtetuar se patronazhistët raportojnë se demokratët votojnë për Berishën dhe socialistët për Edi Ramën. Ky përfundim shumë I rëndësishëm, nuk është se u ka bërë ndonjë punë të madhe socialistëve se dihet, por ata dhe këtu mund të tregohen të mëshirshëm. Tia japin modelin e patronazhistit Berishës dhe të krijoj dhe ia patronazhistët e vet.

Nuk është se ai nuk I ka patronazhistët e vet por I përdor kundër Lulit . Tani ti trajnojë përsëri dhe ti përdor kundër Ramës.

Kështu dy nga tre arsyet bien dhe PS mund tia fal Berishës këto mekanizmat e “Fitores”.

Po këtë faktin kryesor që PS e udhëheq Edi Rama dhe opozitën Berisha, këta të PS nuk e ndryshojnë dot. Madje ata nën rrogozë dhe përpiqen që kjo dyshe të përballet me njëra tjetrën. Madje hileja e tyre kryesore, nuk është as “aktivisti” as “patronazhisti” por kryepatronazhisti i demokratëve, Berisha.

Duke bërë sikur e respektojnë si kryetar opozite, ata u kanë mbushur mendjen demokratëve se me atë fitojnë, dhe në fakt bëjnë qejf. Pra nuk është puna se këta socialistët fitojnë nga “aktivisti” apo “patronazhisti”. Ato ua falin me qejf demokratëve. Ata fitojnë se u kanë “falur” demokratëve Berishën. Derisa ata ta mbajnë atë dhuratë, nuk u bën fajde gjë tjetër.