Kryeministri Edi Rama ka dhënë një deklaratë për mediat pas seancës ku u zhvillua raundi i parë për zgjedhjen e presidentit, ku nuk u votua asnjë emër. Rama komentoi letrën e PS-LSI në KQZ për shtyrjen e afatit të regjistrimit të partive dhe koalicioneve. Ai ripërsëriti se PS po tregohet e duruar dhe po i jep shans PD-së, teksa shtoi se edhe durimi e ka një kufi…
“Ata që bëjnë akuza janë të njëjtët, edhe në 1 Prill të 2013. Këtu bëhet fjalë për një sforco vullnet-mirë nga ana jonë për të krijuar mundësi për opozitën zyrtare, konretisht PD me shpresën që do kthehet në rrugën e arsyes dhe për t’i dhënë shans përpjekjes që me gjasë do ndodhë me këmbënguljen tonë me letrën për PPE nga kreu i Kuvendit, për një dialog që ne nuk arritëm me gjithë përpjekjet tona. Kështu që mos keni asnjë merak sepse nëse ata do të duan të shkojnë deri në fund me këtë sjellje kur ne përpiqemi me bukë, ata me gurë, do jetë deri në fund përgjegjësia e tyre. Ne nuk jemi të shqetësuar, do bëjmë çmos për zgjedhje gjithëpërfshirëse, por sigurisht që çdo përpjekje e ka një fund dhe patjetër që fundi do jetë momenti i regjistrimit të kandidatëve, të ekipeve që do të kandidojnë”, tha Rama.
Ai theksoi më tej se “18 Qershori nuk diskutohet”, duke i qëndruar vendimit për të mos shtyrë zgjedhjet.
Ai foli edhe në lidhje me procesin e zgjedhjes së presidentit. Rama tha se seanca e sotme ku nuk u votua asnjë emër edhe pse votat janë, ishte shprehje e vullnetit të mirë për të bërë opozitën pjesë të procesit.
“Sot ishte tjetër shprehje e vullnetittonë të mirë, janë numrat për zgjedhjen e presidentit. Për t’i dhënë të gjitha hapësirën e mundshme brenda kornizës kushtetuese PD-së dhe atyre që bashkë me të janë ngujuar në çadrën e frikës nga drejtësia, nuk paraqitën një kandidat sepse duan që të krijojnë mudënsinë që të mund të gjejnë konsensus. Unë jam shumë i duruar nga ç’ju ja dukur sepse unë besoj t durimi deri ku është kufiri, sa i takon presidentit ne duam t’i kthejme dinjitetin. Duam t’i japim mundësinë të ngrihet mbi palët, dhe duam një figurë që të ketë paanshmëri, qoftë edhe relative por të japë paanshmëri. Ne do presim. Më mirë një president i duhur dhe i pranuar nga sa më shumë se sa një president i zgjedhur në nj sallë ku opozita duhet të vinte në punë dhe nuk vjen”, deklaroi ai./a.m.
