Në emisionin “Të Paekspozuarit” në MCN TV, është diskutuar për hetimet e SPAK për Erion Veliajn, sidomos tani që mbështetja e SHBA ndaj SPAK pas ardhjes së Trump pritet të reduktohet.
Rakipi tha se po ndodh një ngjarje paradoksale, ku Erion Veliaj, i njohur si mik me Alex Soros, po shpëtohet nga Donald Trump!
Pjesë nga biseda në studio:
Ylli Rakipi: Përfytyro për një moment me këto që bën Trump, SPAK-ut t’i “shkasë këmba” tani, mikun më të ngushtë të djalit të Soros, Erion Veliajn, tani mund ta shpëtojë Trumpi! Mund të ndodhë që Veliaj të shpëtojë dhe ka shpëtuar. Nuhatjen që ka kryeministri që e merr nëpër mitingje… Nuk ka njeri me nuhatje më të madhe se Rama.
Belind Këlliçi: Sa herë Rama i mbron këta, e hanë sa krahu, do e hajë edhe më shumë.
Ylli Rakipi: Me ardhjen e Trump mund ta hash ti tani se e ke sulmuar (Veliajn).
Belind Këlliçi: Kë mbron Rama, i ke në burg…
Ylli Rakipi: Nuk e dimë këtë.
Andi Tela: Pra në këto çështje globale me Trump, SPAK-u ka rëndësi?
Ylli Rakipi: Për Shqipërinë. Nuk jemi aq mitomanë, ne merremi me atdheun tonë.
Enton Abilekaj: Nuk është se Trump merret me Shqipërinë, por ka paralajmëruar, njerëz afër Trump dhe vetë fushata e Trump, që Soros kudo ku ka shkuar ka bashkëpunuar me USAID për të ndërhyrë në reformën në drejtësi për ta përdorur kundër kundërshtarëve.
