Nga rakia te maza, qoftet e byreku, bashkë me qeleshet apo jelekët, tradicionalja shqiptare ka arritur të joshë turistët e huaj.
“Për babanë kam blerë raki. Një taksist na çoi të hanim qofte, bazë dhe byrek. Kanë një shije krejt ndryshe nga ushqimet tona. Shijova shumë në këto gati dy javë pushime këtu”, thotë një turist holandez.
Silvana Subashi, një nga sipërmarrëset më të vjetra në fushën e produkteve tradicionale tregon edhe shijet e turistëve të huaj sipas kombësisë së tyre.
Rritja e turizmit rrjedhimisht ka prodhuar edhe më shumë kërkesë, por sektori për aritzanët duhet shoqëruar me politika mbështetëse edhe nga qeveria.
Mungesa e fuqisë punëtore dhe kostot e larta të prodhimit vlerësohen nga prodhuesit e ushqimeve dhe produkteve tradicionale si pengesë kryesore për zhvillimin më tej./f.s
