Magjia e bregdetit Jon është gati të mirëpresë pushuesit, ata që përbejnë shpirtin e vërtetë të sezonit veror. Një pjesë e tyre kanë mbërritur aty që me nisjen e ditëve të ngrohta të pranverës.
Por jugu i Shqipërisë premton edhe më shumë se sa vetëm bekimin e natyrës, për t’i dhënë turizmit të zonës një tjetër zhvillim. Radisson Blu, një nga markat më të njohura të hotelerisë në botë, ka përzgjedhur bregdetin e Dhërmi, për të sjellë aty standardet e saj akomoduese. Për Ministrin Blendi Klosi, ardhja e këtyre brandeve ndërkombëtare tregon se Shqipëria është kthyer në një konkurrentë të fortë në rajon.
“Edhe pse pandemi, edhe pse vështirësi të mëdha kemi mundësi që të promovojmë investime të reja, dhe të shohim sesi po forcohet një komunitetit i caktuar që po bën vepra unikale. Është një kompani që standardin e ka standard dhe s’do ta ulë në Shqipëri”.
Megjithatë të tilla kontrata jo vetëm i japin hov zhvillimit të turizmit, por janë përgjegjësi për ruajtjen e standardeve të larta.
“Për arritjen e këtij bashkëpunimi na është dashur një punë shumë e madhe, ku mund të them me bindje se Radisson është një nga brendet më të mira të hotelerisë në botë”.
Por bregdeti nuk do të jetë oferta e vetme turistike që ofron këtë Verë jugu i Shqipërisë. Monumentet e natyrës si Syri i Kaltër në Sarandë, po tërheqin vëmendjen e turistëve të huaj, për të cilët tashmë sezoni është zyrtarisht i hapur.
/a.r
