Episodet e racizmit në futboll nuk kanë munguar edhe në Spanjë. Në ndeshjen e fundit që Real Madrid fitoi 4-2 ndaj Osasunas , tifozët e kësaj të fundit nisën të bënin korre raciste për yllin madrilen Vinicius Jr.
Edhe pse braziliani i tërhoqi disa herë vëmendjen arbitrit të ndeshjes Juan Martínez Munuera, diçka e tillë as nuk u mor në konsideratë nga 41 vjeçari.
Për këtë arsye klubi i Real Madrid ka akuzuar gjyqtarin për indiferentizëm. Çështja i ka kaluar komitetit Disiplinor të Federatës Spanjolle ndërsa vetë arbitri ende nuk ka dhënë një deklaratë.
Sipas skuadrës madrilene, fyerjet raciste ndaj yllit brazilian ishin të pranishme për 90 minuta lojë.
/a.r
