Një ngjarje e rëndë me pasojë vdekjen e një shqiptari ka ndodhur në Itali.
Ngjarja ka ndodhur mëngjesin e ditës së sotme në Castelfiorentino.
Sipas mediave italiane, shqiptari 27-vjeçar ra nga lartësia e një ndërtese, teksa po kryente disa punime.
I riu po kryente disa punime hidroizoluese, së bashku me një të afërm dhe më pas ra nga një lartësi prej 10 metrash për shkak të dështimit të strukturës.
Mediat shkruajnë më tej se çatia u përfshi nga flakët, ndersa u desh ndërhyrja e zjarrfikëses për ti shuar ato.
Në vendngjarje shkoi edhe një helikopter për të transportuar 27 vjeçarin shqiptar, por për fat të keq nuk mundi t’i vinte në ndihmë për jetën, pasi ndërroi jetë në vend.
Trupi i të ndjerit u transferua në Institutin Careggi të Mjekësisë Ligjore.
