Qyteti i vogël, Bala, që gjendet në veri të Uellsit përkohësisht e ka ndërruar emrin në Bale dhe kështu to të njihet derisa të zgjasë “Euro 2016”, në shenjë respekti për futbollistin më të njohur të këtij shteti, Gareth Bale.
Jo vetëm qytetarët e qytetit Bale, por gjithë banorët e Uellsit po përcjellin nëpërmjet ekraneve dhe po përkrahin ekipin e tyre, i cili po udhëhiqet nga kapiteni dhe ylli i skuadrës së Real Madridit, Gareth Bale, shkruan Reuters.
Përfaqësuesja e Uellsit në “Euro 2016” bën pjesë në Grupin B dhe pas dy xhirove ka tubuar tri pikë, pasi ka mposhtur Sllovakinë (2:1), por është mposhtur nga Anglia (2:1), përcjell Koha Ditore. Bale është shënuesi më i mirë te Uellsi në evropian, me dy gola të realizuar në dy ndeshje.
Bale 26-vjeçar, ishte njeriu kryesor në kualifikimin e Uellsit për “Euro 2016” për herë të parë pas vitit 1958. Ai gjatë fazës eliminatore, ka udhëhequr Uellsin me shtatë gola të realizuar.
“Është një mënyrë madhështore për ta nderuar Gareth Balen dhe njëkohësisht ta përkrahim Përfaqësuesen e Uellsit në Kampionatin Evropian”, ka thënë këshilltari lokal, Dilëyn Morgan…, përgatiti Koha. (b.an)
