Skandali i goditjes së një qytetari i cili ishte pro ndërtimit të këndit të lojërave bëhet më i rëndë kur një prej atyre që ushtruan dhunë është një prej zyrtarëve të lartë të Bashkisë së Tiranës gjatë kohë që drejtohej nga Lulzim Basha. Pëllumb Seferi, ish – Drejtori i Qendrës së Zhvillimit Ekonomik të Fëmijëve në Bashkinë e Tiranës, shikohet në video duket goditur me shqelm qytetarin që u tha protestuesve demokratë që të mos shkatërrojnë zonën pasi është paguar me taksat e qytetarëve.
Seferi, i cili është njeri i afërt me Partinë Demokratike, të cilët e kishin vendosur në krye të një prej të drejtorive që kujdeset çerdhet e qytetit. Me ndërrimin e kryetarit të Bashkisë, çerdhet e qytetit u gjendën në kushte të mjerueshme dhe 31 godinat që frekuentoheshin nga të vegjlit e qytetit u rikonstrukruan totalisht.
Me sa duket, Seferi i cili nuk u shërbeu fëmijëve kur ishte drejtor dhe nuk krijoi kushte të mira për ta, sot është sërish kundër krijimit të hapësirave të reja dhe që u shërbejnë atyre. Goditja e një qytetari nga një ish – zyrtar i lartë i Partisë Demokratike përbën një skandal në historinë protestave.
Dëshmitarë të pranishëm në protestën e zhvilluar nga Partia Demokratike te kodra e liqenit artificial tregojnë se një tjetër zyrtar që u përfshi gjatë protestës së dhunshme ishte dhe kryetari i Partisë Demokratike së Vorës, Lulzim Varna.
