Ish-kryeministri socialist, Fatos Nano, është parë dy nat më parë përkrah deputetit, njëherazi ish-vartësit të tij, Taulant Balla, gjatë inaugurimit të një biznesi privat në Tiranë, ku merrte pjesë dhe kryeministri Edi Rama. Nano ka qëndruar përkrah Ballës gjatë gjithë ceremonisë së inaugurimit. Ky afrimitet mes tyre s’ishte parë prej vitesh, madje që prej largimit të Nanos nga PS, në vitin 2009-ë, ishte aluduar edhe për një ftohje të raporteve miqësore mes tyre.
Përballë Nanos ndodhej kryeministri Edi Rama, i cili mbajti dhe një fjalim përpara të pranishmëve, ku inkurajoi investimet private në Shqipëri. Fotot e këtij aktiviteti u publikuan nga kryeministri Rama në faqen e tij në “Facebook”, ku shefi i qeverisë u ka kthyer përgjigje disa prej komentuesve.
Ndër komentet që bien në sy është ai i një qytetari me emrin Edmond Qirjaqi, i cili e cilëson praninë e Fatos Nanos në aktivitet si ribashkim të ish-kryesocialist me PS. Sipas tij, “me Nanon në parti PS mbaroi përfundimisht.” Kryeministri i tërhoqi vëmendjen komentuesit, duke e këshilluar të mos flasë së prapthi dhe pa lidhje.
Edmond Qirjaqi: Mooos i qenka bashkuar grupit Nano kryemafjozi?Mbaroi PS perfundimisht!
Rama: Si s’ju vjen aspak zor me te tilla marrezi, po si ka mundesi qe te flitet kaq se prapthi e krejt pa lidhje o Edmond?!
ma.me
